काठमाडौं । प्रतिनिधि सभाको बैठकमा आज प्रधानमन्त्री पुष्पकमल दाहाद ‘प्रचण्ड’ले सांसदहरुले सोधेका प्रश्नको जवाफ दिने कार्यक्रम छ । प्रतिनिधि सभाको बैठक आज बिहीबार बिहान ११ बजे बस्दै छ ।
नयाँ बानेश्वरस्थित संघीय संसद भवनमा बस्ने बैठकमा प्रधानमन्त्री दाहालले सांसदहरुले सोधेका प्रश्नको जवाफ दिने कार्यक्रम तय गरिएको छ । बैठकमा प्रधानमन्त्रीले सांसदका प्रश्नको जवाफ दिने कार्यसूची रहेको संसद सचिवालयले जनाएको छ ।
यसैगरी, आजै प्रधानमन्त्री प्रचण्डले नेपालको संविधानको धारा ५३ बमोजिम “राज्यका निर्देशक सिद्धान्त, नीति र दायित्व कार्यान्वयनका सम्बन्धमा गरेका काम र प्राप्त उपलब्धि सहितको आ.व. २०७८/०७९ को वार्षिक प्रतिवेदन” पेश गर्ने कार्यूची रहेको संसद सचिवालयको सूचनामा जनाइएको छ ।
