१ वैशाख, काठमाडौं । नेपाल क्रिकेट संघ (क्यान)ले मंगलबारदेखि सुरु हुने एसीसी प्रिमियर कप आयोजनाको तयारीलाई अन्तिम चरणमा पुर्याएको छ । एसिया कप छनोटका रुपमा रहने यो प्रतियोगितामा एसियाका १० एशोसिएट टिमबीच प्रतिस्पर्धा हुँदैछ ।
नेपालले एक दशकपछि एसियाली क्रिकेट काउन्सिल (एसीसी)बाट प्रतियोगिता आयोजना अधिकार पाएको हो । सन् २०१३ को मार्चमा एसीसी टी–२० कप आयोजना गरेयता नेपालले प्रतियोगिता पाउन छाडेको थियो । आन्तरिक खिचातानीले क्यान नै निलम्बनमा पर्नु र पूर्वाधारको कमजोरीले नेपाल ठूला प्रतियोगिताको आयोजनाबाट टाढिँदै गएको हो ।
